Zjarr në një objekt banesor në Prishtinë, lëndohen disa banorë

zjarr-ne-nje-objekt-banesor-ne-prishtine,-lendohen-disa-banore

Disa persona janë lënduar nga shpërthimi i zjarrit në një objekt banesor në rrugën “Muhamet Qami” në kryeqytet.

Këtë lajm e ka konfirmuar zëdhënësja e Policisë së Kosovës për rajonin e Prishtinës, Flora Ahmeti, e cila ka thënë se disa banorë janë duke u trajtuar nga ekipet mjekësore, kryesisht probleme që janë shkaktuar nga tymi.

“Sot rreth orës 18:00 është pranuar informata për një incident zjarri në një objekt banesor në rrugën ‘Muhamet Qami’ në  Prishtinë. Policia ka dalë në vendin e ngjarjes , po ashtu edhe zjarrfikësit të cilët e kanë arritur të lokalizojnë zjarrin. Bazuar në të dhënat e deritanishme disa banorë janë duke u trajtuar nga ekipet mjekësore( kryesisht probleme që janë shkaktuar nga tymi).Për detaje të tjera do të njoftoheni me kohë”, ka thënë Ahmeti.

The post Zjarr në një objekt banesor në Prishtinë, lëndohen disa banorë appeared first on Mesazhi.com.