Tahiri kritikon punën e qeverisë Kurti: S’po kemi kujt t’i bëjmë opozitë

tahiri-kritikon-punen-e-qeverise-kurti:-s’po-kemi-kujt-t’i-bejme-opozite

Ai thotë se qeveria ende s’ka program, agjendë dhe plan.

Po ashtu, Tahiri akuzon Qeverinë se ka dështuar në sigurimin e vaksinave.

“Sot nuk diskutohet për program…Qeveria çdo ditë po prodhon shumë të panjohura. Është e pabesueshme me çfarë temash po merret Qeveria e Kosovës”, tha Tahiri në emisionin DPT te Fidani.

“Shpresoj që ditëve në vijim do të na sjellin diçka në Kuvend që të diskutojmë. Ne s’po kemi kujt me i bo opozitë”, shtoi ai.

“Nuk pres mrekulli në aspektin e ekonomisë brenda 100 ditësh por pres një plan të qartë se si e sheh kjo qeveri zhvillimin ekonomik brenda katër vjetësh”, thotë Tahiri duke kritikuar mungesën e planit qeverisës.

“Kjo qeveri nuk sjell në Kuvend asnjë iniciativë. Nuk po kemi kujt t’i bëjmë opozitë”, rithekson ai.

Tahiri ka kritikuar edhe qasjen e qeverisë kundër Covid-19.