SHBA, kongresistja muslimane paraqet projektligj për emërimin e një “Përfaqësuesi Special Kundër Islamofobisë”

shba,-kongresistja-muslimane-paraqet-projektligj-per-emerimin-e-nje-“perfaqesuesi-special-kunder-islamofobise”

Ilhan Omar, një nga femrat e para muslimane anëtare të Dhomës së Përfaqësuesve në SHBA, paraqiti një projektligj që i bën thirrje administratës amerikane të caktojë një përfaqësues të lartë special për të hetuar dhe analizuar incidentet islamofobike, transmeton Anadolu Agency (AA).

Projektligji, i paraqitur nga kongresistja demokratike nga Minesota Omar dhe kongresisti demokratik nga Illinois, Jan Schakowsky, bëri thirrje për emërimin e një “Përfaqësuesi Special Kundër Islamofobisë” nën kuadër të Departamentit të Shtetit.

Projektligji thotë se përfaqësuesi në fjalë duhet të shqyrtojë dhunën islamofobike të sponsorizuar nga shteti dhe të raportojë aktet antimuslimane jashtë vendit.

“Ne shohim se Islamofobia po rritet pothuajse në çdo cep të botës. Në Minesota, shteti ku unë u zgjodha, vandalët pikturuan mesazhe urrejtjeje dhe simbole naziste në një qendër islame. Incidentet e tilla janë problem i përbashkët i të gjithë muslimanëve në SHBA dhe jashtë saj”, tha Omar në një deklaratë në lidhje me projektligjin.

Shumë demokratë e mbështetën projektligjin, si Rashida Tlaib, një tjetër grua muslimane në Dhomën e Përfaqësuesve, dhe Alexandria Ocasio-Cortez, kongresiste nga New York-u. /aa

The post SHBA, kongresistja muslimane paraqet projektligj për emërimin e një “Përfaqësuesi Special Kundër Islamofobisë” appeared first on Mesazhi.com.