Osmani pret në takim Ramën: Si Komandante Supreme, FSK do ta ketë mbështetjen dhe gatishmërinë time të plotë

osmani-pret-ne-takim-ramen:-si-komandante-supreme,-fsk-do-ta-kete-mbeshtetjen-dhe-gatishmerine-time-te-plote

Presidentja e Kosovës Vjosa Osmani, ka pritur sot në takim Komandantin e FSK-së, Rrahman Rama, me të cilin diskutuan në thellimin e bashkëpunimit.

Osmani në fjalën e saj para të pranishmëve, u shpreh se si Komandante Supreme, FSK do ta ketë mbështetjen dhe gatishmërinë e saj që në mënyrë të suksesshme të arrihet dhe tranzicioni i Forcës, në ushtri, njofton Klan Kosova.

”Do të vazhdojë të mbesin shembull i besueshmërisë. Dua t’i falënderoj FSK-në për bashkëpunimin e shkëlqyeshëm të deritanishëm”.

”Tash e tutje si Komandante Supreme e FSK-së, ju ofroj gjithë mbështetjen time, gjithë gatishmërinë që të bashkëpunojmë, që të kemi mbështetjen e nevojshme buxhetore që ky tranzicion të përfundojë me kohë”.

”Natyrisht që të sigurojmë mbështetje bilaterale që FSK të arrijë avancimin e saj në secilën organizatë veç e veç”.

”Faleminderit për bashkëpunimin e deritashëm dhe mezi pres që ky bashkëpunim të thellohet tash e tutje”.

The post Osmani pret në takim Ramën: Si Komandante Supreme, FSK do ta ketë mbështetjen dhe gatishmërinë time të plotë appeared first on Mesazhi.com.