LVV e quan absurd vendimin e PZAP-së, thotë se Kurti dhe të tjerët do të jenë pjesë e listës

lvv-e-quan-absurd-vendimin-e-pzap-se,-thote-se-kurti-dhe-te-tjeret-do-te-jene-pjese-e-listes

Lëvizja Vetëvendosje ka reaguar ndaj vendimit të PZAP-së e cila i konfirmoi ndalimin e kandiditimit të Albin Kurtit dhe katër kandidatëve të tjerë në zgjedhjet e 14 shkurtit.

VV përmes një komunikate për media këtë vendim e vlerëson absurd dhe të paargumentueshëm, teksa paralajmëron se lista e saj nuk do të pëson ndryshime, duke bërë të ditur se nuk heq dorë nga kandidimi i Kurtit.

Ky është reagimi i VV-së i plotë:

“Kandidimi i Albin Kurtit dhe i kandidatëve të tjerë nuk do të mund të ndalet, sepse kështu e thotë e drejta, dhe lista e VETËVENDOSJE!-s do të paraqitet e plotë e fitimtare në zgjedhjet e 14 shkurtit sepse kështu po e kërkon populli”, thuhet ndwr tw tjerash nw reagimin e Lwvizjes Vetwvendosje.

Ky wshtw reagimi i plotw:

Sot Paneli për Ankesa dhe Parashtresa nxori një vendim absurd, duke ia ndaluar kandidimin, kryetarit të Lëvizjes VETËVENDOSJE!, bartësit të listës, Albin Kurti, si dhe kandidatëve tanë, Albulena Haxhiu, Liburn Aliu, Labinotë Demi-Murtezi dhe Bajram Mavriqi.

PZAP veproi në një vijë me tre anëtarët e KQZ-së, Valdete Dakën, dhe përfaqësuesit e LDK-së e PDK-së, duke sajuar argumente të paqena juridike dhe kushtetuese vetëm sa për të prodhuar këtë pengesë që është në fakt një padrejtësi e shumëfishtë.

Të konfirmosh, siç ka bërë PZAP, nën direktivën arbitrare të kryesueses së KQZ-së, përjashtimin nga lista zgjedhore të të kandiduarve, do të thotë që të gjykosh për të dytën herë atë që Gjykata tashmë e ka përmbyllur pa pasoja juridike. Pra, praktikisht PZAP po jep dënim me masë më të rëndë se sa parashihet me ligj. E kjo as është detyrë e PZAP-së, e as është e imagjinueshme në një shtet të së drejtës dhe demokratik. Kështu si ky vendim sot duket vetëm inkuizicioni. Inkuizicion politik e juridik.

Kjo padrejtësi e dalë haptazi bashkë me aktorët që e bartin atë ndër vite në Kosovë, është kufizim i të drejtave në atë shkallë që synon eliminimin politik.

Këto vendime, pra, ai i disa anëtarëve të KQZ dhe ky sot i PZAP-së, janë shpërfaqje e një konjukture që i rri mbi krye institucioneve duke ua zënë frymën demokratike. Por jo edhe për shumë gjatë. Kandidimi i Albin Kurtit dhe i kandidatëve të tjerë nuk do të mund të ndalet, sepse kështu e thotë e drejta, dhe lista e VETËVENDOSJE!-s do të paraqitet e plotë e fitimtare në zgjedhjet e 14 shkurtit sepse kështu po e kërkon populli.

 

The post LVV e quan absurd vendimin e PZAP-së, thotë se Kurti dhe të tjerët do të jenë pjesë e listës appeared first on Mesazhi.com.