Latifi: Kurtin më shumë do ta shohim në Bruksel e Uashington se në Kosovë

latifi:-kurtin-me-shume-do-ta-shohim-ne-bruksel-e-uashington-se-ne-kosove

“Është ripaketu një program që nuk dallon shumë apo në thelb nga programet që i kanë ofruar qeveritë e tjera për të trajtimin e problemeve politike, ekonomike, shoqërore, të politikës së jashtme dialogut e kështu me radhë”, shtoi ai.

“Në fund të fundit Kurti duke e ofruar këtë program të qeverisë së tij më shumë i ka interesuar të përmbush një kusht formal sepse një qeveri duhet të ketë një program të cilin pak a shumë gjatë mandatit nuk e respektojnë ministritë. Vetëm me pas një program që nesër dikush mos me kritiku se s’ka program qeverisës”, thotë Latifi në T7.

Nga dita kur ky program do të aprovohet në qeveri e Kuvend askush më nuk do t’i kthehet. Sepse ne jemi përgjithësisht një shoqëri që nuk e lidhim dikë për fjalën e shkruar. Por do të merremi me debate krejtësisht tjera të cilat kryesisht do të kenë natyrë populiste”, thekson Latifi.

“Në vitet që do të vijnë, sidomos në këtë vit që po kalojmë ne nën presion e bashkësisë ndërkombëtare, BE’së dhe SHBA’së konsideroj se kryeministrin më shumë sesa në çështje të zhvillimit ekonomik do e shohim në Bruksel e Uashington. Pjesa më e madhe e punës së tij do të jetë dialogu me Serbinë”, tha Latifi.