KB: Vendet e varfra po përballen me fatura më të mëdha ushqimore

kb:-vendet-e-varfra-po-perballen-me-fatura-me-te-medha-ushqimore

Vendet më pak të pasura po përballen me fatura më të mëdha ushqimore, sipas Kombeve të Bashkuara.

KB theksoi të enjten se importet e ushqimit në botë do të rriten me 12 % këtë vit, në 1,72 trilionë dollarë, ekuivalente PBB-në e Rusisë.

Në raportin e saj dyvjeçar mbi tregjet globale të ushqimit, Organizata e KB për Bujqësinë dhe Ushqimin (FAO) vlerësoi se çmimet e konsumit për proteinat dhe kaloritë ishin rritur me 20-34 %, e krahasuar me një vit më parë, duke rrezikuar “përkeqësimin e tendencave sasiore dhe cilësore të dietës ushqimore në vendet e pambrojtura “ku ushqimi mund të përbëjë deri në gjysmën e shpenzimeve të familjes”.

FAO javën e kaluar vlerësoi një kërcim të përgjithshëm vjetor në kostot e ushqimit prej rreth 40 %, për shkak të “një rritje të çmimeve për vajrat, sheqerin dhe drithërat”.

Inflacioni në rritje vjen pasi shumica e vendeve pësuan tkurrje të PBB-së në vitin 2020 dhe ndërsa pjesë të Azisë përballen me rritje të vazhdueshme të infektimeve COVID-19.

FAO paralajmëroi se vendet më të prekshme mund të jenë importues të ushqimit “ku të ardhurat nga eksporti, përfshirë nga turizmi, janë goditur rëndë nga pandemia”.

FMN paralajmëroi kohët e fundit se kufizimet e lidhura me pandeminë mund të shtyjnë pothuajse 100 milionë më shumë persona, me gjasë më të goditur nga çmimet e larta të ushqimit, në “radhët e varfërisë ekstreme”. /atsh

The post KB: Vendet e varfra po përballen me fatura më të mëdha ushqimore appeared first on Mesazhi.com.