Edhe 15 mijë doza të tjera të vaksinës Pfizer vijnë sot në Shqipëri

edhe-15-mije-doza-te-tjera-te-vaksines-pfizer-vijne-sot-ne-shqiperi

Nga sot kontingjentit të vaksinave në dispozicion të autoriteteve shëndetësore në Shqipëri iu shtohen edhe 15 mijë doza të tjera.

Njoftimin e konfirmoi ministrja e Shëndetësisë Ogerta Manastiruliu, sipas së cilës brenda 10 ditëve priten edhe 14 mijë e 400 doza të tjera të vaksinës Astrazeneca në kuadër të programit Covax.

“Duam që të përmbyllim në një kohë shumë të shpejtë vaksinimin e stafeve tona mjekësore, siç e kemi thënë, brenda dy javëve të para të muajit mars, duke ecur gjithashtu edhe me grupet prioritare të popullatës, siç janë të moshuarit +80 vjeç dhe më pas të vijojmë vaksinimin e grupeve të tjera”, tha Manastirliu.

Ndërkohë sot do të mblidhet sërish Komiteti Teknik i Ekspertëve në një mbledhje jashtë radhe pas akuzave të epidemiologëve dhe analistëve për rrezikun që kanoset nga prezenca e varianteve të reja.

The post Edhe 15 mijë doza të tjera të vaksinës Pfizer vijnë sot në Shqipëri appeared first on Mesazhi.com.