Çekët protestojnë kundër presidentit Zeman

ceket-protestojne-kunder-presidentit-zeman

Protesta u organizua pasi Zeman sugjeroi javën e kaluar se Rusia nuk ishte domosdo përgjegjëse për një shpërthim në një depo municioni në 2014 në Republikën Çeke që vrau dy persona.

Zeman tha se mundësia e një aksidenti nuk mund të përjashtohet.

Qeveria çeke kishte njoftuar më parë se dyshonte për dy spiunë rusë, ata të dyshuar për helmimin e Sergei Skripal dhe vajzës së tij në Britani në vitin 2018. Moska mohon të gjitha akuzat.

Protestuesit u bënë thirrje senatorëve të paraqesin një padi kushtetuese kundër Zeman për tradhti, e cila do të çonte në largimin e tij. Protesta u mbajtën edhe në qytete të tjera.

“Ne duhet t’i themi një ‘jo’ të qartë ndikimit të presidentit Zeman për shkak të qëndrimit të vendit tonë ndaj Rusisë,” tha Hana Strasakova, një zëdhënëse e grupit Million Moments, e cila organizoi një protestë që policia vlerësoi se kishte mbledhur 10.000 njerëz.

“Le të paraqesim një padi kushtetuese kundër presidentit Zeman për tradhti”.

Zeman shpesh shpreh pikëpamje pro-ruse. Ai mbrojti blerjen e një vaksine ruse kundërCOVID-19 Sputnik V dhe atë që Rosatom rus të ftohet të marrë pjesë në një tender për të ndërtuar një termocentral bërthamor.