Basha uron Osmanin: I bindur që ajo do ta mundësojë unifikimin e faktorit politik të Kosovës

basha-uron-osmanin:-i-bindur-qe-ajo-do-ta-mundesoje-unifikimin-e-faktorit-politik-te-kosoves

Kryedemokrati është shprehur i bindur se Osmani do ta mundësojë unifikimin e faktorit politik të Kosovës

“Urimet më të përzemërta Vjosa Osmanit për zgjedhjen e saj Presidente e Republikës së Kosovës. Jam i bindur se presidentja Osmani do të mundësojë unifikimin e faktorit politik të Kosovës për të adresuar drejt sfidat që vendi ka përpara, garantimin e sovranitetit dhe integritetit territorial, anëtarësimin e Kosovës në institucionet ndërkombëtare, arritjen e marrëveshjes për njohje reciproke me Serbinë dhe progresin drejt integrimit euroatlantik. Si përherë, sot dhe nesër në qeverisje të vendit, PD dhe unë qëndrojmë në krah të Kosovës, në mbështetje të qytetarëve dhe institucioneve të saj, për ti përballuar së bashku të gjitha sfidat e për të forcuar bashkëpunimin mes nesh në dobi të zhvillimit dhe mirëqënies së qytetarëve tanë. Punë të mbarë presidente Osmani“, ka thënë Basha.