Abrashi thotë se Albin Kurti u tall me Grenellin dhe Shtëpinë e Bardhë

abrashi-thote-se-albin-kurti-u-tall-me-grenellin-dhe-shtepine-e-bardhe

Abrashi ka thënë se Kurti vazhdimisht ka pasur qasje kundër Amerikës.

“Ne e kemi parë zotin Kurti disa herë duke u tallur me zyrtarët amerikanë. Zoti Kurti është tallur me zotin Grenell…Nxjerrja e dokumenteve sikurse ato të NATO-s është më shumë se tallje. Për ne si LDK ky veprim nga Kurti ishte i papranueshëm dhe realisht ky do të duhet të ishte sinjali i parë për ndërprerje të bashkëpunimit. Në fjalimin e tij Kurti e ka përmendur Shtëpinë e Bardhë si shtëpi të verdhë e me emra të tillë”, tha ai në Dukagjin.

Sekretari i Përgjithshëm i LDK-së ka vijuar edhe më tej me akuza duke etiketuar Kurtin.

“Disa javë Kurti nuk i është përgjigjur thirrjeve nga Departamenti i Shtetit. Ka video të Kurtit ku e quan Amerikën si forcë imperialiste që ka intervenuar në Kosovë për interes të tyre. Pra kjo është në përgjithësi qasja antiamerikane e Kurtit”, tha ndër të tjera Arban Abrashi.