6,659 raste aktive me coronavirus në Kosovë

6,659-raste-aktive-me-coronavirus-ne-kosove

Instituti Kombëtar i Shëndetit Publik bën të ditur se numri total i rasteve pozitive është 61.404 raste nga 242.999 persona të dyshimtë në virusin SARS-CoV-2 dhe 1.514 raste të vdekjes.

Gjatë 24 orëve të fundit, janë shëruar 214 pacientë derisa numri i përgjithshëm i të shëruarve deri më sot është gjithsej 53.231 raste, kurse numri i rasteve aktive është 6.659.

Ndryshe, kohë më parë infektologu, Salih Ahmeti ka deklaruar ditë më parë se ri-infektimi me coronavirus është një shqetësim.

“Në praktikën tonë kemi pasur disa raste që kanë manifestuar shenja klinike për herën e dytë dhe që të njëjtin kanë rezultuar pozitiv për herë të dytë në testin PCR. Gjithmonë te sëmundjet infektive raste përjashtuese ekzistojnë. Edhe te COVID-19, për arsye të ndryshme mund të ekzistojnë rastet e infektimit”, kishte pohuar ai.

E raste të ri-infektimit me coronavirus tashmë janë të konfirmuara.

Dy anesteziologë janë infektuar sërish me coronavirus, ka konfirmuar drejtori i kësaj Klinike, Nehat Baftiu.

Për këtë ka folur edhe drejtori i ShSKUK-së, Valbon Krasniqi. Ky i fundit ka thënë se riinfektimi ndodh për dy arsye pasi që nuk dihet sa zgjatë imunizimi apo ndryshimeve që pëson virusi.

The post 6,659 raste aktive me coronavirus në Kosovë appeared first on Mesazhi.com.