​Lumezi për vdekjen e prokurorit Krasniqi: Humbje e madhe për sistemin prokurorial

​lumezi-per-vdekjen-e-prokurorit-krasniqi:-humbje-e-madhe-per-sistemin-prokurorial

Në telegram ngushëllimi, Lumezi thotë se se vdekja dhe largimi i tij nga kjo botë është humbje e madhe jo vetëm për familjen por edhe për sistemin prokurorial.

“Me pikëllim dhe dhimbje të thellë mora lajmin e papritur të ndarjes nga jeta të familjarit tuaj dhe kolegut tonë, prokurorit të Prokurorisë Speciale të Republikës së Kosovës, Enver Krasniqi. Me lejoni të shpreh ngushëllimet e mia më të sinqerta për Ju si familje, për të afërmit, kolegët dhe të gjithë bashkëpunëtorët. Ju e humbët një prind dhe familjar të shkëlqyer, ndërsa sistemi i drejtësisë e humbi një profesionit të madh. Vdekja dhe largimi i tij nga kjo botë është humbje e madhe jo vetëm për Ju si familje, por edhe për tërë sistemin prokurorial, të cilit prokurori Krasniqi i shërbeu më përkushtim, dinjitet dhe integritet të lartë. I përjetshëm qoftë kujtimi për të!”, thuhet në telegram ngushëllimi.

Prokurori Krasniqi vdiq mbrëmë.

Krasniqi ishte edhe duke hetuar rastin e vjedhjes së 2.1 milionë eurove nga Thesari i Shtetit.