​Grushte e shkelma te shkolla “1 Maji” në Tiranë, rrihet vëzhguesi i PD-së

​grushte-e-shkelma-te-shkolla-“1-maji”-ne-tirane,-rrihet-vezhguesi-i-pd-se

Disa persona kanë goditur me grushte vëzhguesin e PD edhe në prezencë të kandidates për deputete Oriola Pampuri, e cila ka kërkuar nga policia të verifikojnë personat prezentë brenda KZAZ, pasi dyshohet se janë me precedentë penal.

Nga pamjet e publikuara në media shihet si vëzhguesit e PD dhunohen nga persona pa bexhat dalluese dhe policia ndalon të dhunuarin dhe e shoqëron me dhunë drejt makinave të policisë.

Përplasja ka vazhduar edhe në ambientet e jashtme. Mësohet se ka persona të shoqëruar në polici.

Kandidatja e PD në Tiranë, Orjola Pampuri, tha se përfaqësuesit e KQZ nuk kishin asnjë informacion për autorët, teksa kanë qenë këta të fundit që ngacmuan e dhunuar vëzhguesin e PD.

Ajo thotë se përfaqësuesit e KQZ nuk kishin asnjë informacion për autorët, teksa kanë qenë këta të fundit që ngacmuan e dhunuar

Ndërsa Silva Caka, e pranishme në momentin e përplasjes tha se në ambientet e KZAZ kishte persona të paautorizuar dhe në momentin e pushimit kur numëruesi dhe vëzhguesi i PD ishin duke diskutuar me njëri tjetrin, një prej personave të paautorizuar ka kërcënuar dhe me pas dhunuar përfaqësuesit e PD.

Aktualisht thotë Caka ka ende persona të paautorizuar në atë qendër.

“Këtu ishte një miting njerëzish që nuk janë të identifikuar. Ka një rregull, çdo parti ka nga një vëzhgues në çdo tavolinë numërimi. Nuk duhet të ishin më shumë se 20 veta brenda. Në krahun ku është ulur deputeti i PS janë 24 persona”.

Menjëherë në këtë KZAZ mbërriti edhe vetë komisionari shtetëror, Ilirian Celibashi./OraNews/